Në kuadër të Festivalit Ndërkombëtar “One World Festival”, të mbajtur në Kapfenberg nën organizimin e shoqatës “Internationaler Verein”, si dhe gjatë Ditës Kulturore Shqiptare në Graz, të organizuar nga shoqata “Atdheu”, morën pjesë përfaqësues nga Këshilli i Kosovës për Trashëgimi Kulturore.
Në hapje të këtyre festivaleve, organizatorët iu drejtuan të pranishmëve me fjalë përshëndetëse, duke theksuar rëndësinë e pjesëmarrjes sonë institucionale.
Aktivitetet e zhvilluara krijuan një atmosferë të ngrohtë për publikun dhe u shndërruan në ura bashkëpunimi e bashkimi mes komuniteteve të ndryshme kulturore.
Përmes muzikës, këngëve, valleve edhe traditave tona kombëtare, përcollen një pasuri te çmuar shpirtërore dhe mesazh të qartë se kultura jonë zë vend të denjë në mozaikun kulturor ndërkombëtar.
Këto ngjarje dëshmojnë se diaspora jonë mbetet përfaqësuese e vërtetë e kulturës kombëtare në zemër të Evropës, duke kontribuar në forcimin e identitetit kulturor dhe promovimin e trashëgimisë kulturore.
