Trashëgimia kulturore e Kosovës pasurohet me gjashtë asete në Mbrojtje të Përhershme

Në mbledhjen e mbajtur më 5 tetor 2026, ODK-ja e Këshillit të Kosovës për Trashëgimi Kulturore (KKTK) mori vendim për përfshirjen e gjashtë (6) aseteve të trashëgimisë kulturore në Mbrojtje të Përhershme. Asetet e përfshira në këtë proces vlerësimi janë:

1. Shtëpia e Ramë Bllacës, Bllacë, Komuna e Suharekës
2. Tyrbja e Selim Dedës, Restelicë, Komuna e Dragashit
3. Mulliri i Zenel Islam Kryeziut, Pagarushë, Komuna e Malishevës
4. Kulla e Zaptijve, Zym, Komuna e Prizrenit
5. Mulliri i Familjes Misini, Zgatar, Komuna e Dragashit
6. Shtëpia e Qehajve, Pejë, Komuna e Pejës

Me këto gjashtë (6) asete shkon në 100, numri i përgjithshëm i aseteve të trashëgimisë kulturore në mbrojtje të përhershme. Ky proces përbën një hap të rëndësishëm në forcimin e mbrojtjes institucionale të trashëgimisë kulturore dhe në garantimin e ruajtjes së vlerave të saj për brezat e ardhshëm. KKTK mbetet i përkushtuar në përmbushjen e mandatit të tij për ruajtjen, mbrojtjen, vlerësimin dhe promovimin e trashëgimisë kulturore të Kosovës, si dhe në rritjen e prezantimit dhe promovimit të saj në nivel vendor dhe ndërkombëtar.