18.11.2026
KKTK prezanton Raportin Vjetor Financiar për vitin 2025 para Komisionit për Buxhet të Kuvendit të Kosovës
Kryetari i Këshillit të Kosovës për Trashëgimi Kulturore (KKTK), z. Artan Krasniqi, së bashku me anëtsrët e ODK-së dhe me përfaqësuesit e Këshillit, mori pjesë në mbledhjen e Komisionit për Buxhet të Kuvendit të Republikës së Kosovës, të kryesuar nga z. Enver Haliti, ku u shqyrtua Raporti Vjetor Financiar i KKTK-së për vitin 2025.
Gjatë prezantimit, kryetari Krasniqi paraqiti aktivitetet dhe të arriturat e Këshillit gjatë vitit 2025, zbatimin e rekomandimeve të auditorit, si dhe procesin e plotësimit të pozitave të lira në institucion.
Pas shqyrtimit dhe diskutimeve, Raporti Vjetor Financiar i KKTK-së për vitin 2025 u mbështet nga shumica e anëtarëve të Komisionit për Buxhet.
KKTK mbetet e përkushtuar në ushtrimin e përgjegjësive institucionale, transparencën dhe llogaridhënien në menaxhimin e financave publike, si dhe në përmbushjen e mandatit të saj për mbrojtjen dhe promovimin e trashëgimisë kulturore të Republikës.